Horariu
Martes a domingu: 11:00h a 14:00h y 16:00h a 20:00h
Emplazamientu
Instalación
Equipu Creativu
Audioguíes
La Summerschool Rurápolis ye un formatu innovador que combina teoría y práctica arquitectóniques y ta centrada na temática del despoblamientu rural, la evolución del territoriu post-industrial y l’aprendimientu de técniques de construcción sostenibles en madera, paya y tierra crudo.
La Summerschool forma parte d’un procesu d’investigación más ampliu tituláu Rurápolis. El proyectu básase na presencia abondosa de ruines rurales n’España, onde milenta pueblos quedaron despoblaos de resultes del éxodu rural.
El procesu d’investigación propón una estratexa de reactivación en rede de pueblos, llugares y sitios industriales abandonaos, que por allugase nel corazón d’una topografía preservada y de clima moderáu pueden volver ser viables y interesantes, sobre manera énte les previsiones actuales y futures de cambéu climáticu.
Esta reactivación de les ruines rurales materialízase nel usu de técniques de construcción ecolóxiques, partiendo del suelu, de la tierra.
Depués de la so primer edición en Navarra nel 2022, la Summerschool Rurápolis 2024 propón una inmersión nun territoriu comparativu, asitiáu esta vez n’Asturies. Ye un programa estramurios de la ÉNSA Versailles que cunta cola collaboración de la Universidá d’Uviéu y del Centru d’Arte y Creación Industrial de la Llaboral. Tamién forma parte integrante de NO-CITY, un programa educativu interuniversitariu abiertu.
Esta edición de la Summerschool Rurápolis tuvo una duración de diez díes nel branu del 2024 y tuvo abierta a estudiantes internacionales d’arquitectura, lo mesmo que d’otres disciplines, y a cualquier profesional con interés na temática.
Nel marcu d’esta Summerschool, un taller de construcción nel Pozu Espinos, centráu nel usu de la madera y de materiales reciclaos, fai posible aprender delles técniques de construcción en tierra crudo cola supervisión del equipu de profesionales de Bioconstrucción Asturies y l’arquitecta franco-mexicana Anna Laura Bourguignon.
L’oxetivu d’esti formatu ye desenvolver una intelixencia constructiva pa crear, nel plazu d’una selmana, unes pequeñes arquitectures/plataformes/mobiliarios emblemáticos de la Rurápolis. Una performance de la formación musical Lofácil va inaugurar los oxetos arquitectónicos diseñaos colectivamente, faciendo viable y atractiva la posible reactivación de ruines rurales abandonaes.